Astananyń Ortalyq saıabaǵyndaǵy toǵan qurǵatylǵannan keıin aqqýlardyń taǵdyry ne bolmaq?
ASTANA. 13 qyrkúıek. QazAqparat - Astana qalasynyń turǵyny Ortalyq saıabaqtyń sánin keltirip turǵan aqqýlar júzgen toǵan qurǵatylatyndyǵyn estip,
ondaǵy janýarlardyń taǵdyryna alańdaýshylyq bildirdi.
«2012 jylǵy 27 shildede Lıýdmıla Borısovna Gnılıtskaıanyń hatyna qaıtarǵan jaýabyńyzda qalalyq saıabaqtaǵy toǵannyń qurǵatylatyny týraly aıtqan edińiz. Al, meniń suraıyn degenim, ondaǵy aqqýlardyń jaıy ne bolady?», - dep jazǵan elorda ákimi Imanǵalı Tasmaǵambetovtyń jeke blogyna Zarıchnaıa Elena Vıktorovna.
Óz kezeginde qala turǵynyna I.Tasmaǵambetov: «Elena Vıktorovna, toǵannyń qurǵatylýyna baılanysty jyldyń jyly maýsymynda (qazan aıyna deıin) aınalasy qorshalǵan arnaýly alańqaı jasalyp, oǵan sý quıylatyn ydystar qoıylady. Aqqýlardy baǵyp-kútý úshin arnaıy maman shtaty qarastyrylady, ol qustardy qorektendirip, bólingen aýmaqty taza ustaýǵa jýap beredi. Kún sýytqan kezde aqqýlar jabyq jaıǵa kóshiriledi», - dep jaýap qaıyrdy.
