Astananyń Ortalyq saıabaǵynda jóndeý jumystary júrgizilýde - qala ákimi
ASTANA. 11 sáýir. QazAqparat - Astananyń Ortalyq saıabaǵynda jóndeý jumystary júrgizilýde.
Bul týraly búgin Elbasy N.Nazarbaevtyń qatysýymen ótken elordanyń ári qaraı damýy máselerine arnalǵan keńes barysynda Astana qalasynyń ákimi Imanǵalı Tasmaǵambetov málim etti.
«Ótken jyldan bastap Ortalyq saıabaqty jańǵyrtý jumystary júrgizilýde. Saıabaqtyń jumysyn tolyǵymen toqtatyp tastamaý úshin jóndeý jumystary úsh kezeńmen júrgizilýde», - dedi ol.
Qala basshysynyń aıtýyna qaraǵanda, saıabaqty jóndeý jumystarynyń ekinshi kezeńinde otbasymen demalýǵa arnalǵan aımaqty, ortalyq sýburqaqty jáne deneshynyqtyrý-saýyqtyrý aımaǵyn óndeý kózdelgen.
«Úshinshi kezeńde jumys istep turǵan akvapark pen kólshikti jańǵyrtý kózdeledi. Sonymen qatar jeke ınvestıtsııa esebinen attraktsıondar men shaǵyn kóńil kóterý keshenderin salý josparlanýda», - dedi I.Tasmaǵambetov.
