Astananyń ortalyǵyndaǵy avtokran men jolaýshylar avtobýsynyń soqtyǵysqan sáti
ASTANA. 16 tamyz. QazAqparat - Jelide osy jylǵy 5 tamyzda Astananyń ortalyǵynda avtokran men jolaýshylar avtobýsynyń soqtyǵysý sáti túsirilgen beınetaspa paıda boldy.
Eske sala keteıik, 2012 jylǵy 5 tamyzda, jeksenbi kúni Astanada Saryarqa dańǵyly men Kenesary kóshesiniń qıylysynda saǵat 14-11-de «QY25k5» avtokrany men №36 jolbaǵytyndaǵy «Skania» jolaýshylar avtobýsy soqtyǵysyp qalǵan bolatyn.
Oqıǵa saldarynan 4 adam qazaǵa ushyrady, 7-ýi aýrýhanaǵa jetkizildi, dep habarlady QR TJM.
Jol-kólik apaty nátıjesinde avtobýs jolaýshylary: Ý.Qurmasheva - 1952 jyly týǵan; D.Ismaǵambetova - 1975 jyly týǵan; M.Ádelshına - 1981 jyly týǵan; jáne jeke basy anyqtalmaǵan azııattyq er adam oqıǵa ornynda kóz jumdy.
