Astananyń ortalyǵynda tórt mashınanyń qatysýymen jol-kólik apaty boldy
ASTANA. QazAqparat - Astanadaǵy Momyshuly dańǵyly men Sátbaev kóshesiniń qıylysynda tórt avtomashınnyń qatysýymen jol-kólik apaty boldy, zardap shekkender bar, dep habarlady «QazAqparat» tilshisi oqıǵa ornynan.
Kýágerlerdiń málimetinshe, shamamen saǵat 7.30-da Toyota Windom avtomobıli Momyshuly dańǵylymen júrip kele jatyp, jol qıylysyna jetpeı, joldyń qos syzyǵyn kesip ótip, keri burylyp, qarsy betke shyǵyp ketti. Sol jerde Lada kóligimen soqtyǵysty, taǵy eki mashınany - Nissan jáne Toyota avtomobılderin qaǵyp ketti.
Birneshe adam zardap shekti - júrgizýshiler men jolaýshylardy «jedel járdem» alyp ketti, oqıǵa ornynda polıtseıler jumys isteýde. Oqıǵanyń mán-jaıy anyqtalýda.
