Astananyń ormanynda qyrǵaýyldar kóbeıip jatyr
ASTANA. 29 maýsym. QazAqparat - Búgin «Astananyń jasyl beldeýin» aralaǵan Memleket basshysy Nursultan Nazarbaev jasandy ormanǵa qyrǵaýyldardy jiberdi.
Búginde «Astananyń jasyl beldeýine» jaýapty «Astana ormany» JShS aǵash otyrǵyzýmen ǵana emes, qyrǵaýyl sııaqty orman qustaryn ósirýmen de aınalysady. Ol úshin bul jerde arnaıy sharýashylyq ashylǵan. Munda qyrǵaýyldardy qoldan ósirý jumysy júrgiziledi. «Astana ormany» JShS dırektory Baǵdat Azbaevtyń aıtýynsha, ótken jyly 300 qyrǵaýyl ormanǵa jiberilse, bıyl kúzde taǵy myń shaqty danasy elordanyń jan-janýarlar álemin tolyqtyratyn bolady.
«Búginde biz Astananyń mańaıyndaǵy ormannyń bıologııalyq ár-alýandylyǵyn jan-jaqty damytýǵa tyrysyp jatyrmyz. Mine, búgin qyrǵaýyldardy jiberip otyrmyz. Qazir bul jerde qoıan, túlki, elik de bar. Bolashaqta astanalyqtar osy ormanǵa shyǵyp, tolyqqandy tynyǵatyn bolady», - dedi N.Nazarbaev.
