Astananyń ońtústik-batys aınalma baǵytynda úsh kópir salynady
ASTANA. QazAqparat - Astananyń ońtústik-batys aınalma jolynyń tórt jolaqty magıstrali boıynsha tórt klassıkalyq jol aıryǵy, úsh kópir men 12 sý qubyry jobalanǵan, dep habarlaıdy QazAqparat Elorda Infoǵa silteme jasap.
«Bir kópir Esilden, ekinshisi arna arqyly, al úshinshi «Nura-Esil» arnasy arqyly ótedi. Bizde tórt aýysym bar: Qabanbaı batyr, Qosshy jolynda, Qorǵaljyn men Astrahan tas jolynda», - dep habarlady «QazAvtoJol» UK» AQ-nyń Ońtústik-batys aınalymy fılıalynyń qurylysy jónindegi basqarýshy dırektory Samat Merǵazın jýrnalısterge arnalǵan baspasóz týrynda.
Aıta ketý kerek, bul jobada tórt kólik torabynan basqa qalaǵa kiretin tas joldar josparlanbaıdy. Jobanyń quny 60,2 mlrd teńge. Onyń 85%-yn Qytaıdyń Eksım banki, al 15%-y respýblıkalyq bıýdjetten qarjylandyrylady. Qurylys kezinde kezdesetin basty qıyndyqtar - ınjenerlik jelilerdi qaıta qurý jáne jeke menshik jerdi memleket ıeliginealý.
Basqarýshy dırektordyń aıtýynsha, Ilınkadaǵy úsh úı buzylady. Olardyń barlyq shyǵystaryn memleket óteıdi.
Qurylys alańyna 472 tehnıka, 789 qazaqstandyq jáne sheteldik mamandar jumyldyryldy.
«Qytaıdan basshylyq quramda 36 adam jumys isteıdi, al jumysshylar bizdiń eldiń azamattary bolady», - dedi Samat Merǵazın.
34,4 shaqyrymdyq jol elordadaǵy joldarǵa aıtarlyqtaı jeńildik ákeledi.
«Birinshiden, Astana ortalyǵynyń júktemesi azaıady. Barlyq tranzıttik kólikter qalaǵa kirmeıdi Astanany aınalyp ótedi. Qalanyń Qabanbaı batyr dańǵylymen júretin Qosshy boıyndaǵy kóshelerdiń júktemesi azaıatyn bolady. Olar Qosshy aınalymymen Qostanaı, Kókshetaý baǵyty boıynsha Qorǵaljyn qıylysy arqyly jolmen shyǵyp ketedi. Meniń oıymsha, qala úshin bul ekologııalyq tazalyq jaǵynan paıdaly», - dedi ol.
Konsortsıýmnyń kóshbasshysy - «Sın Sın» korporatsııasy 18,1 shaqyrym joldy salýmen aınalysady, qalǵanyn «KazGerStroı» qazaqstan-nemis kompanııasy salady.
«Qazaqstan tarapynan joldyń uzyndyǵy 16,3 shaqyrymǵa keńeıtiledi. «QazGerStroı» BK» JShS jer teliminde Qabanbaı batyr men Qosshy eki kólik aıaldamasy bar, «Nura-Esil» arnasy boıynsha kópir bar. Bizdiń jáne qytaıdyń joldarynda eshqandaı aıyrmashylyq joq», - deıdi jobanyń jetekshisi Serikjan Baıanbek.
Onyń aıtýynsha, daıyndyq jumystary kezinde bir ýchaskeden 24 myń aǵash alynyp tastalǵan.
«Jasyl ekpeler eki ese mólsherde óteledi. Kesilgen aǵashtardyń ornyna egiletin taldar soltústik baǵytta, Pavlodar men Kókshetaý tas joldarynyń jol aıryǵynda otyrǵyzyldy», - deıdi Serikjan Baıanbek.
Eske salaıyq, 2017 jylǵy 29 jeltoqsanda K-1 aınalma jolyn qurý jobasynyń sheńberinde Ońtústik-Batys aınalma jolynyń jańa avtojolynyń qurylysy bastaldy. Qurylysty 2020 jyly aıaqtaý josparlanýda.
