Astananyń oń jaǵalaýyndaǵy HQO mekenjaıyn aýystyrdy
ASTANA. QazAqparat - Astana qalasy Almaty aýdandyq №4 Halyqqa qyzmet kórsetý ortalyǵy azamattardy endi Táýelsizdik dańǵyly, 32 kóshesi boıynsha qabyldaıtyn bolady. Bólim buryn Kúıshi Dına, 29/1 kóshesinde bolǵan, dep habarlaıdy QazAqparat «Azamattarǵa arnalǵan úkimet» memlekettik korporatsııasynyń baspasóz qyzmetine silteme jasap.
Memlekettik korporatsııanyń málimetinshe, ǵımarattyń kóshýine halyqtyń atalmysh bólimdegi jaǵdaıdy jaqsartý týraly ótinishteri túrtki bolǵan.
Jańartylǵan bólim segiz qabatty ǵımarattyń ekinshi qabatynda ornalasqan. Aýmaǵy 2000 sharshy metrdi quraıtyn nysanda operatorlar qabyldaıtyn 30 ústel bolady, al halyq memlekettik qyzmetterdi ózdiginen ala alatyn ózine-ózi qyzmet kórsetý sektoryna 28 ústel qoıylady.
Qyzmet alýshy tulǵalardyń yńǵaılylyǵy úshin 50 kólik qoıýǵa arnalǵan turaq bar.
Memlekettik korporatsııanyń front-ofısteriniń mekenjaılarynyń jańartylǵan tizimi tómendegideı:
Esil aýdandyq HQO №1 bólimi - Máńgilik El dańǵyly, 30;
Esil aýdandyq HQO №2 bólimi - Saýran kósh., 7;
Almaty aýdandyq HQO №3 bólimi - Dostyq, 13;
Almaty aýdandyq HQO №4 bólimi - Táýelsizdik dańǵyly, 32;
Almaty aýdandyq HQO №5 bólimi - Q. Sátbaev kósh., 25;
Saryarqa aýdandyq HQO №6 bólimi - Seıfýllın kósh., 22;
Saryarqa aýdandyq HQO №7 bólimi - S409 kósh., 43
Saryarqa aýdandyq HQO №8 bólimi - Respýblıka dańǵyly , 43;
Mamandandyrylǵan HQO - 20 - 40, 2 kósh.
Halyqqa qyzmet kórsetý ortalyqtarynyń jumys kestesi: dúısenbi-senbi kúnderi 09.00-den -20.00-ge deıin, úzilissiz. Esil aýdandyq №2 bólimi dúısenbi-juma aralyǵynda saǵat 24.00-ge deıin, senbi - 20.00-ge deıin jumys isteıdi.
