Astananyń Olımpıadalyq daıarlaý ortalyǵy Rıo Olımpıadasyna 20 sportshyny tárbıelemek
ASTANA. QazAqparat - Astana qalasyndaǵy Olımpıadalyq daıarlaý ortalyǵy 2016 jylda Rıo-de-Janeıroda ótetin Olımpıada oıyndaryna 15-ten 20 sportshyǵa deıin daıarlaýdy josparlap otyr. Bul týraly QazAqparat tilshisine osy ortalyqtyń dırektory Qanat Jurqaev aıtty.
Sportshylar tıisti daıyndaqtan keıin shtattyq ulttyq komandaǵa ótetindigine toqtalǵan ol: «Bul jerde olar olımpıadalyq quramaǵa túsedi. Meniń oıymsha, Rıodaǵy Olımpıada oıyndarynda bizdiń ortalyqtan shyqqan 15-ten 20-ǵa deıin sportshy qatysady», - dedi.
Onyń sózine qaraǵanda, osy jylda mártebeli halyqaralyq jarystarda jeńisti oryndardan kóringender elimizdiń ulttyq olımpıadalyq quramasyna enedi dep kútilýde.
Osy oraıda Q. Jurqaev baıdarkamen esý sportshysy Ekaterına Kaltenberger men Zoıa Ananchenko (ekeýi ıÝnıorlar arasyndaǵy álem chempıonatynda, Inchhondaǵy Azııa oıyndarynda qolany jeńip aldy) úzdikterdiń qatarynda ekenin jáne ekeýi de Olımpıada elimiz la ıyqty túrde tanystyrýǵa qaýqarly ekenin atap ótti. Munymen qosa ol sınhrondy júzýden Azıada-2014-tiń qola júldegerleri apaly-sińlili Ekaterına jáne Aleksandra Nemıchterden jaqsy nátıje kútýge bolatyndyǵyn jetkizdi.
Onyń paıymynsha, Olımpıadada kórkem gımnastıkadan bir top qatysa alady. Toptyq jattyǵýlarda óner kórsetetin sportshylardyń komandasy ІІ Jasóspirimder Olımpıada oıyndarynda qolany ıelendi.
«Olar - óte jigerli qyzdar. Qalaı qıyn bolsa da, Qazaqstanda osy sporttyq túrinen olar alǵash bolyp Jasóspirimder Olımpıadasynda qolaǵa qol sozdy. Bul turǵyda olar Reseı men Bolgarııanyń, Ózbekstannyń myqty komandalarmen qyzý básekege túsip, nátıje kórsetti. Bıyldyń aıaǵynda biz osy sportshylardy shtattyq ulttyq komandalar dırektsııasyna tapsyramyz. Menińshe, olar bizdiń elimizdi shetelderde laıyqty deńgeıde tanystyra alady»,-dep túıdi ol.
