Astananyń Nur-Sultan atalýyn aýyl jurtshylyǵy qoldaıdy
«Elbasy qıyn kezeńderde elimizdi tyǵyryqtan alyp shyǵyp, damýdyń dara jolyn kórsetti. Igi bastamalardyń basynda bolyp, memlekettik baǵdarlamalardy júzege asyryp, turaqty damýdy qamtamasyz ete bildi. Elimiz úshin, halqymyz úshin Elbasynyń orny qashanda erekshe. Elbasy únemi aýyl máselesine zor kóńil bóldi. Aýyldy jańǵyrtyp, kásibimizdi damytýǵa múmkindik týǵyzdy. Osy jyldar ishinde keleshegin boljaı bilgen Elbasy elimizdiń aýylsharýashylyq salasyn álemniń eń ozyq memleketteriniń tabysymen básekelese alatyndaı etti. Biz sııaqty sharýa adamdaryna qanshama jeńildikter, qoldaýlar jasalýda. Aýylda bilim men mádenıet oshaqtaryn damytyp, balabaqsha, mektepter salyp, olardyń materıaldyq bazasyn zaman talabyna saı qamtamasyz etti», - delingen ujymdyq hatta.
Aýyldaǵy jumyskerler Elbasy qalyptastyrǵan dara joldy jalǵastyryp, aıanbaı eńbek ete beretinin aıtyp otyr.
«Elimizdiń abyroıyn asqaqtatqan Kóshbasshymyz búginde barlyq qurmetke laıyq. Táýelsiz Qazaqstannyń qalyptasyp damýyna, Astananyń álem kartasynda paıda bolyp, jahandy moıyndatýyna Nursultan Ábishulynyń zor eńbegi sińdi. Biz Astana qalasynyń Elbasymyzdyń qurmetine Nur-Sultan dep atalýyn bir aýyzdan qoldaımyz. Bul - tarıhı durys sheshim. Urpaqtarǵa úlken amanat», - delingen hatta.
