Astananyń mektepterinde 12 oqýshyǵa 1 kompıýterden keledi

Bul týraly búgin elordalyq máslıhattyń kezekti 70-sessııasynda málim boldy.

«Búgingi kúni 12 oqýshyǵa 1 kompıýterden kelip otyr. Mektepterdiń 100 paıyzy ınternetke qosylyp, barlyǵynda mektep saıttary jumys isteıdi. Onymen birge elordanyń mektepteri jańa modıfıkatsııanyń zamanaýı kabınetterimen jaraqtalýda», - dep atap ótti qala ákiminiń orynbasary Aıda Balaeva.

Nátıjesinde, fızıka, hımııa jáne bıologııa pánderi úshin 130 kabınet, mýltımedııalyq jáne lıngafondyq 119 kabınet jabdyqtalyp, 557 ınteraktıfti taqtalar ilindi.

«Onymen birge, Bilim berý basqarmasy janyndaǵy «Bilim berý júıesin aqparattandyrý ortalyǵynyń» kúshimen orta bilim berý, tehnıkalyq jáne kásiptik bilim berý mekemelerin avtomaty basqarý boıynsha aqparattyq júıeniń jobasy engizilý ústinde. «E-learning» elektrondy bilim berý baǵdarlamasy synaq retinde 10 mektepte paıdalanyla bastady», - dep túıindedi ol.