Astananyń mektepteri men kolledjderinde bir ýaqytta qazaq kúıleri oryndaldy

ASTANA. QazAqparat – Búgin elordanyń barlyq bilim berý uıymynda astana ýaqyty boıynsha saǵat 12:00-de «Kúı kúmbiri» atty dombyrashylar chellendji ótti, dep habarlaıdy QazAqparat qala ákimdiginiń resmı saıtyna silteme jasap.

Aktsııa Oqý-aǵartý mınıstrliginiń bastamasymen uıymdastyryldy. Maqsat - bilim alýshylardyń rýhanı mádenıetin, estetıkalyq, patrıottyq rýhyn arttyrý, eldiń mádenı murasyn saqtaý, balalardyń dombyra tartý ónerin nasıhattaý.

Chellendjge qalanyń 127 bilim berý mekemesinen 3 myńnan asa dombyrashy qatysty. Olar Qurmanǵazynyń «Balbyraýyn» kúıin tartty.