Astananyń medıtsınalyq saqtandyrý qory emhanalarǵa 77,1 mlrd teńge tóledi

ASTANA. QazAqparat - Jyl basynan beri medıtsınalyq saqtandyrý qory elordanyń memlekettik jáne jekemenshik jetkizýshilerine 77,1 mlrd teńge tóledi, dep habarlady qordyń baspasóz qyzmetinen.

Tólemderdiń kóp úlesi statsıonarlyq jáne statsıonarlyqty almastyratyn kómek (25,6 mlrd teńge), joǵary tehnologııalyq medıtsınalyq qyzmet (20,7 mlrd teńge) jáne ambýlatorlyq-emhanalyq kómekke (10,4 mlrd tenge) jumsalǵan.

ÁMSQ qalalyq fılıalynyń jetkizýshileri - 85 medıtsınalyq uıymmen ambýlatorlyq-emhanalyq kómek, statsıonarlyq kómek, alǵashqy medıtsınalyq-sanıtarlyq kómek, keńes berý-dıagnostıkalyq kómek, jedel járdem, joǵary tehnologııalyq medıtsınalyq qyzmet jáne t.b qyzmet túrleri boıynsha 122 kelisim ornatyldy.

Jetkizýshilerdiń ishinde 36 medıtsınalyq mekeme - memlekettik, 49-y - jekemenshik. Bul ótken jylmen salystyrǵanda 13 jekemenshik jetkizýshige kóp. Elordanyń barlyq jetkizýshileriniń tolyq tizimin qordyń fms.kz saıtynda tanysýǵa bolady.