Astananyń mańyzdy qurylysynyń biri bolyp sanalatyn Halyqaralyq ýnıversıtettiń jobasyna úlken jaýapkershilikpen qaraǵan jón - K. Másimov
ASTANA. Qazannyń 27-si. QazAqparat /Arman Asqarov/ -Memleket basshysynyń bastamasymen Halyqaralyq ýnıversıtettiń jobasy elordadaǵy mańyzdy qurylystarǵa teńestirilgen bolatyn.
Bul úlken jaýapkershilikti qajet etetin is. Búgin Úkimet otyrysynda QR Premer-Mınıstri Kárim Másimov osylaı aıtty, dep habarlaıdy QazAqparat.
«Esterińizde bolsa, Prezıdent elordadaǵy Halyqaralyq ýnıversıtettiń qurylysyn Astananyń mańyzdy nysandarynyń qurylysymen teńestirgen edi. Sondyqtan osy bastamaǵa úlken jaýapkershilikpen qaraǵan jón. Atalǵan jobanyń tanystyrylymyn kelesi jyly tamyzdyń basynda Elbasynyń qaraýyna engizý qajet», dedi K. Másimov.
Aıta keteıik, qazirgi kezde bul ýnıversıtet AQSh, Ulybrıtanııa, Japonııa sııaqty elderdegi 25 joǵary oqý ornymen áriptestik baılanystar ornatty. Sondaı-aq elimizdegi túrli ǵylymı ortalyqtarmen yntymaqtastyq is-sharalaryn júrgizý josparlanyp otyr.
