Astananyń mańaıynda jańa zırat ashylady
ASTANA. QazAqparat - Kókshetaý qalasyna baratyn aınalma joldyń soltústik-shyǵys jaǵynda jańa zıratty salý týraly sheshim qabyldandy. Sebebi elordanyń ishindegi jáne syrtyndaǵy zırattarda adam jerleıtin jer qalmaǵan, dep xabarlaıdy QazAqparat tilshisi.
Zırattyń jalpy aýmaǵy 460 gektardy quraıdy. Jerleý aýmaǵy musylmandar, xrıstıandar, áskerıler jáne qyzmettik mindetterin oryndaý kezinde qaza tapqandarǵa arnalǵan birneshe sektorǵa bólingen. Sondaı-aq Qazaqstan Respýblıkasyna eńbegi sińgen qaıratkerlerge arnalǵan oryndar bar.
Jobaǵa sáıkes, jańa zıratta musylmandar men xrıstıandar úshin qaza bolǵan adammen qoshtasý úıleri, ákimshilik-turmystyq jáne dinm rásimder ótkizetin oryndar, jerleý rásimderine qatysty kerek-jaraqtar, gúlder pavılondary, sondaı-aq arnaıy qyzmet kórsetýshi texnıkalarǵa arnalǵan avtoturaqtar bolady.
Astana qalalyq perspektıvti damý bóliminiń jetekshisi Aleksandr Tereşenkonyń aıtýynsha, jańa zırattyń qurylysy eki kezeńnen turady. Alǵashqy kezeńde 79 myń oryn jasaqtalady. Jalpy, jańa zıratta 253 myń oryn bolady. Jobanyń quny - 4 mlrd. teńge.
