Astananyń «Lokomotıv» fýtbol klýby Nalchıktiń «Spartagymen» teń tústi
ALMATY. Aqpannyń 5-i. QazAqparat /Erlik Erjanuly/ - Túrkııada oqý- jattyǵý jıynyn ótkizip jatqan Astananyń «Lokomotıv» fýtbol klýby alǵashqy baıqaý matchyn Nalchık qalasynyń «Spartak» komandasymen ótkizdi,
dep habarlaıdy QazAqparat astanalyq klýbtyń baspasóz qyzmetine silteme jasap.
Reseıliktermen ótken bul oıyn 2:2 esebimen aıaqtaldy. Astanalyqtar sapynan qarsylastar qaqpasyna soǵylǵan eki doptyń da avtory shabýylshy Igor Býgaev boldy. Bul legıoner qazir «Lokomotıvte» synaqta júrgen bolatyn. Jalpy bul oqý- jatttyǵý jıyny kezinde astanalyqtar endi aqpannyń 7-sinde rýmyn, al 10-y kúni ýkraın aıaq dopshylarymen synǵa túspek.
