Astananyń Qýyrshaq teatry álemdik deńgeıge shyqty
ASTANA. QazAqparat - Astananyń Qýyrshaq teatry Barselona men Parıjde ótken Halyqaralyq qýyrshaq karnavalynyń kezdesýlerine qatysty. Álemniń 54 memleketinen jınalǵan úzdik teatrlyq ujymdar ózara tájirıbe almasyp, ónerdiń osy túrin damytý perspektıvalaryn talqylady, dep habarlaıdy QazAqparat astana.gov.kz saıtyna silteme jasaı otyryp.
Shara barysynda Astana qalasynyń Qýyrshaq teatrynyń dırektory Toǵjan Hasanǵalıeva «Plenshetti qýyrshaqtar» taqyrybynda baıandama jasady. Bul sahna tóseminiń ústinen «júre» alatyn qýyrshaqtyń bir túri, ony planshetti dep ataıdy. Qazirgi kezde planshetti qýyrshaqtar óner áleminde keńinen tanymal jáne álemniń úzdik ártisterimen paıdalanylady. Elordalyq qýyrshaq oınatýshy ártister de olardy óz qoıylymdarynda keńinen qoldanady jáne óz sheberlikterimen bólisedi.
Sonymen qatar, astanalyq ártister Halyqaralyq qýyrshaq karnavalynyń sheberlik synyptarynda qazaqtyń ulttyq stılinde jasalǵan ústel planshetti qýyrshaqtarymen óner kórsetti. Olar sheteldik áriptesteriniń nazaryna «Qańbaq shal» halyq ertegisin usyndy. Halyqaralyq qýyrshaq karnavalynyń kezdesýlerine qatysqan álemniń úzdik qýyrshaq oınatýshy ártisteri Astananyń Qýyrshaq teatry ártisteriniń shyǵarmashylyǵy men kásipqoılyǵyn joǵary baǵalady.
