Astananyń qurylysy qaı baǵytta salynady
ASTANA. QazAqparat - Aldaǵy bes jylda elodanyń tórt aýdanynda qurylys nysandaryn kóptep salý josparlanǵan, dep xabarlaıdy QazAqparat tilshisi.
Qala ákiminiń orynbasary Sergeı Horoshýnnyń aıtýynsha, aldymen Myńjyldyq alleıasynyń boıymen qurylys qarqyny tolastamaıdy. Oǵan Táýelsizdik monýmentinen bastap Nurly jol vokzadyna deıingi terrıtorııa kiredi.
"Ol jerde 15 myńnan astam páter salynady. Qajetti kóliktik-ınjenerlik ınfraqurylym da bolady. Ekinshi aýdan - Máńgilik el dańǵyly. Onyń boıymen qurylys nysandaryn kótep salý josparlanǵan. EKSPO kórmesine jaqyn jerler, sosyn medıtsınalyq mekemelerdiń artyndaǵy jerler ıgeriledi. Úshinshiden, Turan dańǵyly boıynda biraz jumystar bar. Han-Shatyrdyń artyndaǵy jerge de turǵyn úıler salynady. Al tórtinshi aýdan - Telman. Bas kezinde ol jerde 2 myń gektarda qurylys nysandary bolady dep josparlaǵan bolatynbyz. Biraq bertin kele, atalǵan jospar qysqartyldy. Jaqyn arada tek 200 gektarǵa ǵana úıler salynady. Qalǵany keıinge qalatyn boldy", - dedi S.Horoshýn Astanada ótken baspasóz máslıxatynda.
Onyń aıtýynsha, árbir aýdan boıynsha sý, energııa, jylý jáne kárizdik júıelerdi tartý máseleleri pysyqtaldy. Aldaǵy ýaqytta gazdy jetkizý jaıy da eskeriledi.
"Osy jumystyń nátıjesinde keshendi jospar qabyldandy. Qyrkúıek aıynda Úkimet arnaıy qaýlysymen atalǵan qujatty bekitti. Endi, osy josparǵa qaraı barlyq bıýdjettik ótinishterimizdi keltiretin bolamyz", - dep atap kórsetti S.Horoshýn.
