Astananyń qurylys alańyndaǵy apat: Zardap shekken azamat esin jınady
ASTANA. QazAqparat - Elordada qurylys barysynda plıtanyń opyrylýynan zardap shekken azamat esin jınady, dep habarlaıdy QazAqparat.
«Astana qurylys alańyndaǵy plıtanyń opyrylýynan zardap shekken Ózbekstan azamaty esin jınady», - dedi Travmatologııa jáne ortopedııa ǵylymı-zertteý ınstıtýtynyń anestezıolog-reanımatolog dárigeri Záýre Myńbaeva.
Esterińizde bolsa, 17 qyrkúıek kúni elordada qurylys barysynda plıtalardyń opyrylýy saldarynan eki jumysshynyń ómiri qıylyp, taǵy bir adam aýrahanaǵa jetkizilgen bolatyn.
«Búgin Astananyń Saryarqa aýdanynda saǵat 11:56 kezinde Alash tasjoly boıynda qurylys plıtalary men nysannyń qabyrǵasynyń qulady. Aldyn ala málimetter boıynsha, apattan 3 adam zardap shekti, ıaǵnı bireýi oqıǵa ornynda jan tapsyrsa, bir jumysshy aýrýhanaǵa jetkizilip, taǵy bireýi úıindi astynda qalyp qoıdy. Qazirgi kezde bul adamdardyń aty-jóni anyqtalyp jatyr», - degen edi tótenshe oqıǵaǵa baılanysty túsinikteme bergen QR ІІM Tótenshe jaǵdaılar komıtetiniń resmı ókili Rýslan Imanqulov.
