«Astananyń» qosalqy quramy Ózbekstannyń «Qarasaı» fýtbol klýbyn 5:0 esebimen oısyrata utty
ALMATY. 31 qańtar. QazAqparat /Erlik Erjanuly/ - Búgin fýtboldan Táshkentte oqý-jattyǵý jıynyn ótkizip jatqan «Astananyń» qosalqy quramy Ózbekstannyń Birinshi lıgasynda óner kórsetetin «Qarasaı» klýbymen joldastyq kezdesý ótkizdi.
Onda Vladımır Glevıch jattyqtyratyn astanalyqtar táshkenttik aıaqdopshylardy 5:0 esebimen jeńdi. Bul oıynda qarsylastar qaqpasyna shabýyldaǵan Tımýr Bahrıdın 2 ret, al qorǵaýshy Erbol Musabekov pen Radmır Mýksınov jáne shabýylshy Djaba Djamarıshvılı bir-bir ret mergendigimen kózge tústi.
«Astana» klýbynyń 20 qańtarda bastalǵan bul jıyny 5 aqpanǵa deıin sozylmaq.Olar kelesi oıynyn endi 3 aqpanda qazaqstandyq «Taraz» fýtbol klýbynyń qosalqy quramymen ótkizbek.
