Astananyń kommýnaldyq qyzmetterine sý sorý boıynsha 100-den astam ótinish kelip tústi

ASTANA. QazAqparat - Astana qalasynyń kommýnaldyq qyzmetteri búgin, 11 shilde kúni, tolassyz jaýǵan jańbyr saldarynan kúsheıtilgen rejımde jumys atqarýda, dep habarlady astana.gov.kz.

«Astana Tazalyq» JShS habarlaýynsha, tańerteń qala aýmaǵynan 5 myń tekshemetrden astam jańbyr sýy soryldy. Atap aıtqanda, «Almaty» aýdany boıynsha - 2 myń tekshemetr, «Saryarqa» aýdany boıynsha - 2 myń tekshemetr jáne «Esil» aýdany boıynsha 1 myń tekshemetren astam sý jınalyp alyndy.

Nóser saldarynan elordanyń kommýnaldyq qyzmetterine qala turǵyndarynan sý sorýǵa qatysty 100-den astam ótinish kelip túsken. Aýdandar boıynsha tıisti jumystarǵa 290 jumysshy men 149 arnaıy tehnıka tartyldy. Atap aıtqanda, «Almaty» aýdanynda - 90 jumysshy men 43 mamandandyrylǵan tehnıka, «Saryarqa» aýdanynda - 89 jumysshy men 48 tehnıka, al «Esil» aýdanynda - 11 jumysshy men 58 mamandandyrylǵan tehnıka jumyldyryldy.

Sınoptıkterdiń boljamynsha, elordada aldaǵy kúnderi jańbyr jaýady dep kútilýde. Búgin aýa temperatýrasy kúndiz +24+26°S bolady. Jańbyr jaýyp, soltústik-shyǵystan 9-14 m/s jyldamdyqpen jel soǵady.