Astananyń kommýnaldyq qyzmetteri táýlik boıǵy jumys kestesine kóshirildi

ASTANA. QazAqparat - Astanada ekinshi kún qatarynan burqasyn basylmaı tur. Osyǵan baılanysty kommýnaldyq qyzmetter táýlik boıy jumys isteýge kóshti, dep habarlaıdy astana.kz.

Búgin «Astana Tazalyq» JShS-inen qalany sanıtarlyq tazartý jumystaryna 228 jol jumyskeri shyǵyp, 344 arnaıy tehnıka tartyldy. Keshe ǵana qala aýmaǵynan 40 435 tekshe metr qar shyǵarylyp, 514,50 tekshe metr qum-tuz qospasy sebildi, sondaı-aq 26 tonna «Aısmelt» reagenti paıdalanyldy.

Sınoptıkterdiń boljamyna sáıkes, búgin  qar jaýyp, burqasyndatady. Ońtústik-batystan sekýndyna 15-20 metr jyldamdyqpen jel turady. Aýa temperatýrasy kúndiz -7...-9 gradýs, túnde -13  -15 gradýs bolady.