Astananyń kommýnaldyq qyzmetteri mol túsken qar saldarymen kúresýde
ASTANA. QazAqparat - Aýa temperatýrasynyń kúrt tómendeýi men mol jaýyn-shashynnyń túsýine baılanysty Astana qalasynyń kommýnaldyq qyzmetteri kúsheıtilgen rejimde jumys isteýde, dep habarlaıdy QazAqparat elorda ákimdiginiń baspasóz qyzmetine silteme jasap.
«Astana Tazalyq» JShS-niń aqparatyna sáıkes, búgingi kúnniń ózinde qala aýmaqtaryn tazalap, joldarǵa qum-tuz qospasyn sebý úshin 139 arnaýly tehnıka men 250-den astam adam jumyldyryldy.
Sınoptıkterdiń boljamyna sáıkes, aldaǵy úsh kúnde elordada kún bulttanyp, oqtyn-oqtyn qar jaýady, syrma boran soǵyp, kóktaıǵaq bolady. Erteń, 20 qazanda aýa temperatýrasy túnde -4 -6° S, kúndiz -1 -den +1°S-ge deıin.
21 qazanda aýa temperatýrasy túnde -6 -8°S deıin tómendep, kúndiz 1 - 3°S nólden tómen.
22 qazanda kóshpeli bult shyǵady, oqtyn-oqtyn qar jaýyp, syrma boran soǵady. Soltústikten 914 m/s jel soǵady. Aýa temperatýrasy túnde -7-9°S, kúndiz -2 -4°S.
