Astananyń kolledjderi stýdentterin hostelge ornalastyrmaq
ASTANA. QazAqparat - Astananyń kolledjderi stýdentterin hostelge ornalastyrmaq, dep habarlaıdy QazAqparat tilshisi.
«Qazirgi ýaqytta Astana nemese Almaty qalasynyń oqý oryndary eger stýdentterdi jataqhana ornalastyrýǵa ózderiniń múmkinshilikteri bolmasa, onda bul máseleni turýǵa jaramdy oryn-jaılardy jalǵa alý arqyly sheshýde. Máselen, Astana qalasynda kolledjderdi jataqhanamen qamtamasyz etýdi elordanyń qoldanystaǵy hostelderin jalǵa alý arqyly sheshpek. ıAǵnı, bul oqý orny men jekeshelik arasyndaǵy ózara qarym-qatynas», - dedi vıtse-mınıstr.
Onyń dereginshe, elimizdiń basqa da óńirleri stýdentterdi jataqhanamen qamtamasyz etýdi oryn-jaılardy jalǵa alý arqyly sheshýdi kózdep otyr. Sonymen qatar ol memlekettik tapsyrys arasynda salynatyn jataqhanalardyń jobalaryna qatysty da derektermen bólisti.
«Joba boıynsha eshkimge shekteý qoımaımyz. Bizde úlgilik úsh jospar bar. Ony Qurylys isi jónindegi komıtet bergen. Degenmen, joǵary oqý oryndary ózderi sheshedi. Biraq, ózderiniń qarjylyq múmkinshilikterin bilýleri tıis. Biz tósek-oryn shyǵyndaryn ótep beretin bolamyz. Al olar 20 jyl boıy belgili bir kontıngenttiń bolatyndyǵy jáne jataqhana tolyq bolýy tıistigin bilýleri qajet. Eger ol tolyq bolmasa, onda oqý orny táýekelge tap bolady. Sebebi memleket tolmaǵan jataqhanany qarjylandyrmaıdy», - dedi Bıbigúl Asylova.
Buǵan deıin stýdentterge jataqhana salý úshin jergilikti ákimdikter 134 jer telimin bólgenin jáne aqyly bólim stýdentteri de jataqhanaǵa ornalasa alatyndyǵyn habarlaǵan bolatynbyz.
Foto: booking.traveltheworld.com.ua
