Astananyń kólik jýý ortalyǵynda eki kún jumys istegen jigit qymbat kólikti urlap ketti
ASTANA. 27 naýryz. QazAqparat - Taraz qalasynyń 21 jastaǵy turǵyny ózi jumys isteıtin orynnan «Toıota Lend Krýzer» kóligin aıdap ketti.
Bul týraly Astana qalalyq Іshki ister departamentiniń baspasóz qyzmetinen habarlady.
Oqıǵa keshe, 26 naýryz kúni tańerteńgi saǵat 9 shamasynda boldy. Astana qalalyq Іshki ister departamentiniń Jedel basqarý ortalyǵyna kólik jýatyn orynnan «Toıota Lend Krýzer 100» kóliginiń urlanǵandyǵy týraly habar tústi. Saǵat 11 shamasynda urlanǵan kólik «Qyzyljar» statsıonarlyq beketinde kózge túsken.
Alaıda, kóliktiń júrgizýshisi jol polıtsııasy qyzmetkerleriniń ony toqtatpaq bolǵan áreketterin kózge ilmesten, Temirtaý qalasyna qaraı baǵyt alǵan. Ol sondaı-aq, Osakarovka beketinde de tártip saqshylarynyń toqtaý týraly belgisine qaramastan, shlagbaýmdy buzyp ótip, eki kólikti soǵyp ketedi. Aqyrynda kúdikti kólik Temirtaý qalasynyń beketinde toqtatylady. Onyń rólinde 21 jastaǵy Taraz qalasynyń turǵyny otyrdy. Keıinnen málim bolǵanyndaı, ol kólik jýý ornyna jumysqa ornalasqanyna eki-aq kún bolǵan. Oqıǵa boıynsha qylmystyq is qozǵaldy.
