Astananyń Kóktal-1 kentinde «Baryshev» JK tsehynda jabdyq pen avtokólik órtendi
ASTANA. 11 aqpan. QazAqparat - Búgin túngi saǵat 01.26-da Astananyń Kóktal-1 kentinde bir qabatty «Baryshev» jeke kásipkerliginiń óndiristik tsehynda ónderkásip jabdyǵy men bir jeńil kólik órtendi.
QR TJM-niń baspasóz qyzmetinen habarlanǵandaı, órt saǵat 04.00-de sóndirildi.
Tilsiz jaýdy aýyzdyqtaýǵa Astana qalasy boıynsha TJD órtke qarsy qyzmetiniń 47 adamy men 17 tehnıkasy, QR TJM «Apatty medıtsına ortalyǵy» MM-niń 3 adamy men 1 tehnıkasy jumyldyryldy. Jalyn 1000 sharshy metr aýmaqty sharpydy. Órt ornynan aty-jóni anyqtalmaǵan er adamnyń máıiti tabyldy.
