Astananyń qoǵamdyq kólikterine jol aqysyn tóleıtin elektrondy karta engizilmek
ASTANA. 5 jeltoqsan. QazAqparat - Astanada bir ǵana avtoparkte 10 baǵyt boıynsha qyzmet kórsetetin 144 avtobýs bar. Bul kúnnen-kúnge qaryshtap damyp, halyq sany artyp kele jatqan iri megapolıs úshin azdyq etýi de múmkin.
«Oǵan sebep, qoǵamdyq kólik qyzmetine kóńili tola qoımaıtyn turǵyndardyń da barlyǵy. Alaıda, bul jaǵdaıdy jaqsartý úshin atqarylyp jatqan jumystar da jeterlik. Avtobýs júrgizýshilerine eskertýler jasalyp, arnaıy mekemelerde kásibı biliktilikti shyńdaýǵa múmkindik jasalǵan. Budan keıin esh ózgeris bolmasa, avtopark basshylary júrgizýshilerdi jumystan bosatýǵa májbúr. Ekinshi bir jaǵdaı, Astanadaǵy qoǵamdyq kólikterge elektrondy plastık karta men valıdator ornatý josparlanyp jatyr»,-dep jazady elordanyń resmı saıty.
«Biz birinshi kezekte qarjy tártibin ornatpaqpyz. ıAǵnı, ár jolaýshynyń jol aqysyn tólegeni baqylaýda bolady. Demek, kondýktorlar aqsha jymqyra almaıdy degen sóz. Al, ekinshi kezekte júrgizýshilerdiń qyzmeti qatań baqylaýǵa alynady. Eger, bul júıe júzege assa, júrgizýshiler kún saıynǵy esep ótkizýden qutylady. Onda barlyq júrgizýshilerdiń aılyǵy birdeı bolýy kerek»,-deıdi Astana qalasy №1 avtopark dırektory Sergeı Bogatyrev.
Izraılden ákelgen jańa tehnıkanyń qanshalyqty paıdasy tıerin dóp basyp aıtý qıyn. Biraq, qoldanysqa ene qalǵan jaǵdaıda jol aqysyn aqshamen tóleýge bolady.
«Bul qural qoǵamdyq kólikte tártip ornatýǵa paıdasyn tıgizedi dep oılaımyn. Birinshi kezekte jolaýshylardyń jaǵdaıymen sanasyp otyrmyz. Sondaı-aq, biz elordanyń aıazyna tótep berýin de eskerdik»,-dedi elektrondy prınterlerdi jetkizý jónindegi kompanııa ókili Narıman Doskeev
Al, halyq úshin eń bastysy jaıly kólikke jaıǵasyp, dittegen jerine aman-esen jetý. Jańa qondyrǵy qyzmet sapasynyń artýyna da yqpal etedi.
«Endi jol aqysyn elektrondy karta arqyly tóleıtin bolsaq, onda júrgizýshilerdi aqsha qyzyqtyrmaıtyn bolady. Biraq, árbir aıaldamada kondýktorlar bılet tekserip otyrýy kerek. Eshkim-eshkimmen talaspaıdy, jaryspaıdy. Óıtkeni jol kólik oqıǵasynyń kóbisi sol asyǵystyq saldarynan bolady. Qoǵamdyq kólikte tártip bolady»,-delingen elordanyń saıtynda.
Aıta ketý kerek, elektrondy kartaǵa aqsha quıý uıaly telefon birligin toltyrǵannan qıyn bolmaıdy. Ol úshin qalada birneshe arnaıy qondyrǵy ornatylatyn bolady.
