Astananyń qoǵamdyq kólikterinde «elektrondy bılet» engiziledi

ASTANA. 11 qarasha. QazAqparat - Astananyń qoǵamdyq kólikterinde «elektrondy bılet» engiziledi. Bul týraly óziniń blogynda elorda ákimi Imanǵalı Tasmaǵambetov habarlady.

«Búgingi kúni jol qozǵalysy erejelerin buzýdyń, baǵdarlardaǵy birin-biri basyp ozýdyń, jolaýshylarǵa qyzmet kórsetý sapasy tómendiginiń basty sebebi qolma-qol aqsha jınaýdan bolyp otyr. Osy atalǵan kemshilikterdi  joıý jáne servıs qyzmetin jaqsartý maqsatynda búgingi tańda 2013 jyly jolaýshylarǵa bıletti elektrondy túrde berý - «Elektrondy bılet» jobasy» pysyqtalýda, dep jazdy I.Tasmaǵambetov.

Onyń aıtýynsha, bul ilki joba, onyń bastapqy kezeńinde qalalyq qoǵamdyq kólikterde kondýktorlar óz jumys oryndaryn saqtaıdy. Al júıeniń ózin kezeń-kezeńimen engizý kózdelýde.

«Ázirge kondýktorlardyń jumystan bosap qalýǵa qapalanýynyń jóni joq»», - dep qosty ákim.