Astananyń qoǵamdyq kóliginde uıaly baılanysqa birlik júkteý qyzmeti boıynsha ilki joba qosyldy
ASTANA. Naýryzdyń 17-si. QazAqparat /Marlan Jıembaı/ - Elordanyń qoǵamdyq kóliginde uıaly baılanysqa birlik júkteý qyzmeti ilki jobasy iske qosyldy.
Bul týraly Astana qalalyq jolaýshylar tasymaldaý ortalyǵynyń bólim bastyǵy Qýandyq Baetov málim etti.
«Qazirgi ýaqytta jolaýshylar tek 5-shi marshrýttyń 1 avtobýsynda ǵana uıaly telefondaryna birlik júkteı alady. Bolashaqta bul qyzmet túri óziniń tıimdiligin kórsetse, onda basqa da qoǵamdyq kólikterge de engiziledi», dedi ol.
Onyń aıtýyna qaraǵanda, mundaı qyzmet túri Máskeý qalasynyń qoǵamdyq kólikterinde keńinen qoldanylsa, taıaýda Almaty qalasynda da qolǵa alynǵan.
