«Astananyń kishkentaı arýy - 2010» ulttyq balalardyń ásemdik pen talant konkýrsynyń V fınaldyq baıqaýy ótedi

 dep habarlaıdy QazAqparat.

Baıqaýdy «Ok-models» sán agenttigi Astana ákimdigimen birlesip uıymdastyrady. Atalmysh shara uıymdastyryla bastaǵan ýaqyttan beri, ıaǵnı 5 jyl ishinde oǵan 300-ge jýyq qyz bala qatysqan. Baıqaý «Kishkentaı Qazaqstan arýy» konkýrsynyń joldamasy ispettes, ıaǵnı odan jeńip shyqqandar respýblıkalyq baıqaýǵa qatysýǵa múmkindik alady. Mysaly, 2003 jylǵy «Kishkentaı Astana arýy» baıqaýynyń jeńimpazy Mádına Bataǵazıeva «Kishkentaı Qazaqstan arýy 2003» konkýrsynda da jeńimpaz atandy. Budan soń Maltada ótken «Kishkentaı álem arýy» baıqaýyna elimizdiń atynan synǵa túsken daryndy qyz «Kishkentaı hanym» atalymyn jeńip alyp, álemdegi eń ádemi 5 qyzdyń biri boldy. Sondaı-aq «Kishkentaı Qazaqstan arýy 2003» baıqaýynda 2-shi jáne 3-shi júldeli oryndardy jeńip alǵan Krıstına Jýkova men Dana Moldajanova «Kishkentaı slavıan arýy 2003» halyqaralyq baıqaýyna qatysyp, onda da jaqsy nátıjelerge qol jetkizdi. Krıstına Jýkova «Kishkentaı TMD arýy» atansa, Dana Moldajanova álemge áıgili eýropalyq týrıstik kompanııalardyń joldamasyn jeńip alyp, kári qurlyqtyń 5 memleketine saıahat jasady.