Astananyń keıbir kósheleri jóndeý jumystaryna baılanysty jabylady
ASTANA. QazAqparat - Búginnen bastap 21 shildege deıin TM-18 jylý magıstralin qalpyna keltirýge baılanysty B. Momyshuly dańǵyly men Mırzoıan kóshesiniń buryshy jabylady. Bul týraly astana.kz saıtyna Astana qalasynyń Energetıka basqarmasynan habarlady.
Aıta keteıik, jazda qalanyń keıbir kóshelerin jóndeý jumystary qolǵa alynady. Vedomstvo qyzmetkerleri júrgizýshilerden qozǵalys baǵyttaryn aldyn ala josparlaýdy suraıdy. Elorda turǵyndary men qonaqtaryna qolaıly jaǵdaı jasaý úshin jol-qurylys jumystary júrgiziletin kezeńde jóndelip jatqan joldarǵa jaqyn jerlerde qajetti eskertý men tyıym salý belgileri ornatylady.
