Astananyń keıbir aýdandarynda eki kúnge ystyq sý ajyratylady
ASTANA. QazAqparat - 29-30 sáýirde jylý magıstraldaryn tyǵyzdylyqqa synaýdy ótkizýge baılanysty elordanyń keıbir aýdandarynda ystyq sý ajyratylady. Bul týraly astana.kz saıtyna «Astana-Teplotranzıt» AQ habarlady.
«Astana-Teplotranzıt» AQ 2014 jyldyń 29-30 sáýirinde jylý magıstraldarynyń tyǵyzdylyqqa synaýyn ótkizýge baılanysty ystyq sýdyń berilýi isten ajyratylatynyn habarlaıdy»,- delingen kompanııa taratqan habarlamada. Atap aıtqanda, Respýblıka dańǵyly, Áýezov, Máskeý, Beıbitshilik, Dúkenuly, Jangeldın, Toraıǵyrov, Seıfýllın, Abaı dańǵyly, Otyrar, Ǵabdýllın, Kenesary, Jeltoqsan, Rysqulov, Bókeıhan, Imanov, Aǵybaı batyr, Ǵumar Qarash, Qorqyt, Ramazan, Baraev, Omarov, Tarhan, Aımanov kóshelerine ystyq sý berilmeıdi. Kásiporyndar men uıymdardyń basshylary, PIK jáne TK tóraǵalary osy kezeńde ystyq sýmen qamtýdy isten ajyratyp, qyzmetkerler quramynyń kezekshiligin uıymdastyrýlary qajet, deıdi kompanııadaǵylar.
