Astananyń keı kóshelerinde joldar jabylady
ASTANA. QazAqparat - Astana qalasy Jolaýshylar kóligi jáne avtomobıl joldary basqarmasynyń habarlaýynsha, 28 maýsymda, jeksenbiden dúısenbige qaraǵan túni №191 kóshe qurylysyna baılanysty Alash tas jolynan Sarytóbek kóshesine deıingi aralyqta kólik qozǵalysy toqtatylady.
Jol qurylysy aıasynda barlyq ınjenerlik júıeler ornatylady. Atalǵan jol bóliginde kólik qozǵalysyn ústimizdegi jyldyń qarasha aıynyń sońyna deıin qalpyna keltirý josparlanyp otyr, dep habarlaıdy astana.kz . Budan bólek, 26 maýsymnan bastap kepildik mindetteme sheńberinde merdigerlik uıym K.Báıseıitova kóshesinde ortasha jóndeý jumystaryn júrgizedi. Osyǵan baılanysty K.Báıseıitova kóshesiniń Fahd ben Abdýl Azız kóshesinen Oqjetpes kóshesine deıingi bóliginde kólik qozǵalysy shekteledi. Jol qozǵalysyn 1 shildege deıin qalpyna keltirý kózdelgen. Astana qalasynyń Jolaýshylar kóligi jáne avtomobıl joldary basqarmasy kólik júrgizýshilerine keptelis jaǵdaılaryn boldyrmaý maqsatynda joldardy jóndeý jumystaryn eskere otyryp, jol júrý baǵdaryn aldyn ala josparlaýǵa keńes beredi.
