Astananyń qaı jaǵalaýynda ekologııa kóbirek lastanǵan
NUR-SULTAN. QazAqparat – Ekologııa salasynyń sarapshylary QazAqparat tilshisine elordanyń qos jaǵalaýyndaǵy ekologııalyq ahýal týraly pikirlerin aıtty aıtty.
Ekolog jáne qoǵam belsendisi Azamathan Ámirtaıdyń oıynsha, el astanasynyń oń jaǵalaýy sol jańalaýǵa qaraǵanda kóbirek lastanǵan.
«Árıne, oń jaǵalaýda ekologııalyq ahýal nashar. Sebebi oń jaǵalaýda eskirgen ınfraqurylym nysandary kóp. Іs júzinde atmosferany lastap turǵan óndiristik qýattardyń bári oń jaǵalaýda ornalasqan. Kómirmen jumys isteıtin jylý-elektr stantsııalary, tehnosaıabaq, tipti temirjol stantsııasy sııaqty nysandardyń bári atmosferaǵa kómirtegi bólip jatyr», - dedi Azamathan Ámirtaı.
Onyń paıymynsha, sol jaǵalaýda jańa ınfraqurylymdar bar bolǵanymen, kóbi ekologııalyq turǵyda taza.
«Sol jaǵalaýdyń joldary keń, úıleri durys ornalasqan. Al oń jaǵalaýda turǵyn úıler bir-birimen ıyq tirestirip tur. Kósheler óte tar bolǵandyqtan, jel aýany tazartyp úlgermeıdi. Al aýany súzý máselesi áli sheshilgen joq», - dedi ol.
Ekobelsendi Tımýr Eleýsizov tutas bir qalanyń ekologııalyq jaǵdaıyn eki bólip qaraýdy qısynsyz sanaıdy.
«Meniń oıymsha, ekologııada sol nemese oń jaǵalaýdyń lastanýy deen uǵym joq. Ýtılde turǵysynan alsaq, árıne, sol jaǵalaýda qoqys az jınalady. Oń jaqta kóbirek, óıtkeni turǵyndardyń sanasyndaǵy ózgeris baıaý júrip jatyr. Jalpy, Nur-Sultanda ekologııa máselesi óte ózekti. Sebebi jer astysýlary taıazda jatyr. Sondyqtan qardyń birden jerasty sýlarymen aralasady. Bul da óte úlken másele, biraq qazir oǵan bas aýyrtyp jatqandar az», - dedi sarapshy.
Ekolog qalanyń búkil aýmaǵyn kógildir otynmen qamtamasyz etkenshe aýanyń lastanýy báseńdemeıtinin atady.
«Nur-Sultanda tynyq aýa raıy bolǵanda kólikten shyǵatyn tútin birinshi oryndaǵy ekologııalyq máselege aınalady. Qazir jelden qorǵaný úshin turǵyn úı keshenderiniń aýlasyn sharshy túrinde salý úrdiske aınaldy. Bul da qaladaǵy aýanyń jelmen tazaryp otyrýyna kedergi. Óıtkeni mashınadan shyqqan tútin aýda qalyqtap turyp qalady», - dep túıindedi Tımýr Eleýsizov.
