Astananyń qaı úılerinde lıftiler aýystyrylady
Qazirgi ýaqytta qalanyń kópqabatty turǵyn úılerinde 4 910 lıft jumys isteıdi. «Eski» qalada ornatylǵan lıfterdiń bir bóligi 25 jyl buryn ornatylǵan. Bul ruqsat etilgen qyzmet merziminen asyp túsedi.
«Kóterý mehanızmderiniń jumysynda ónerkásiptik qaýipsizdikti qamtamasyz etý erejesine» sáıkes óndirýshi belgilegen qyzmet merzimi aıaqtalǵan lıfti paıdalanýǵa jol berilmeıdi. 90-shy jyldary salynǵan kóptegen úılerde Samarkand lıft zaýytynyń jedelsatylary ornatylǵan. Bul kompanııa 1993 jyldan beri jumysyn toqtatqan boaltyn. Sáıkesinshe, lıftilerge arnalǵan qosalqy bólshekter óndirilmeıdi», - dep atap ótti «Órken Qala» JShS turǵyn úı-kommýnaldyq sharýashylyqty jańǵyrtý bóliminiń basshysy Bolat Túgelbaev.
Lıfterdiń qaýipsiz jumysyn qamtamasyz etý maqsatynda osy jyldyń qarashasynda Astana máslıhatynyń TÚJ-da 12 lıft jabdyǵyna 146,595 mln teńge bólindi.
Lıft jabdyqtary kelesi mekenjaılar boıynsha ornatylady: S.Seıfýllın kóshesi, 35, Mustafın kóshesi, 15/2, Petrov k-si, 26/1, Tashenov kóshesi 7/1, Q.Muńaıtpasov kóshesi, 20, Baraev kóshesi, 10.
«Qazirgi ýaqytta «Astanalıftservıs NS» JShS jáne «Importlıft KZ» JShS merdigerleri barlyq nysandarǵa lıft jabdyqtaryn ornatqan. Lıftiler zamanaýı qaýipsizdik standarttaryna sáıkes. Olardyń qosymsha optsııalary bar. Ol - jańartylǵan shkaftar, suıyq krıstaldy panelder, daýystyq dabyl júıeleri, tejeý júıesi», - dedi B.Túgelbaev.
«Órken-Qala» JShS-niń «Aımaqtardy 2020 jylǵa deıin damytý baǵdarlamasy» sheńberinde qaıtarylǵan qarajaty esebinen bıyl 5 lıft jabdyǵy myna mekenjaılar boıynsha ornalasqan ǵımarattarda aýystyryldy: Bógenbaı batyr dańǵyly, 28, Petrov kóshesi, 20, Kúmisbekov, kóshesi 6.
Al Jangeldın kóshesi,3 meken-jaıy boıynsha ornalasqan ǵımaratta 3 qurylǵyny aýystyrý jumystary júrgizilýde.
Saryarqa aýdany ákimdiginiń tapsyrysy boıynsha «Órken-Qala» JShS búgingi tańda KQTÚ-de ornatý úshin toǵyz lıft jabdyǵyn myna meken-jaılar boıynsha ornatý qyzmetterin kórsetýde: Aspara kóshesi, 2b jáne Kýbrın kóshesi, 20/1. Nysandardy tapsyrý merzimi - 2019 jyldyń qańtar-aqpany. 2019 jyly on kóp qabatty turǵyn úı kúrdeli jóndeýden ótkizilip, 20 lıft jabdyqtary aýystyrylady dep josparlanýda. Qazirgi ýaqytta «Aımaqtardy damytý baǵdarlamasy» 2019 jylǵa qosý úshin KQTÚ-diń tizimderi qurastyrylyp jatyr. Páter ıeleriniń jáne qyzmet kórsetýshi uıymdardyń bastamashyl toptarynyń úıińizdi kúrdeli jóndeýdi, shatyrdy, ınjenerlik jelilerdi, qasbetti, lıft jabdyqtaryn aýystyrýdy qajet etetin turǵyn úı tizimine engizgenin qalasańyz, «Órken qala» JShS-ǵa habarlasa alasyz.
