Astananyń qaı núktelerinde konkı teýip, shanamen syrǵanaýǵa bolady
ASTANA. QazAqparat - Bıyl astanalyqtar ózderiniń bos ýaqytyn qalanyń kez kelgen jerinde kóńildi ótkize alady, dep habarlaıdy QazAqparat elorda ákimdiginiń resmı saıtyna silteme jasap.
Bıylǵy qysta Astananyń ár aýdanynda syrǵanaq alańdary, shańǵy tebýge arnalǵan joldar uıymdastyrylyp, muz tóbeshikter ornatyldy. Qysqy oıyn-saýyq alańdarynda konkıdi, tıýbıngterdi jalǵa berý qarastyrylǵan.
Barlyq alańdar Astana Winterland jobasy aıasynda iske qosylǵan. Bul - qala aýdandaryndaǵy 12 taqyryptyq alań, 32 muz aıdyny, 36 muz tóbeshik, 400-den asa shara.
