Astananyń qaı mektepterinde ІT-sala tereńdete oqytylady

ASTANA. QazAqparat – Astana qalasy bilim basqarmasy basshysynyń orynbasary Narıman Elamanov elordanyń qaı mektepterinde ІT-sala tereńdete oqytylatynyn aıtty, dep habarlaıdy QazAqparat tilshisi.

«Búgingi tańda qala aýmaǵynda IT baǵytta bilim beretin 4 mektep bar. Olar - №8, 73, 59, 85-shi mektepter. Atalmysh mektepterde kompıýterlik grafıka, vıdeo-tehnologııa, mobıldi qosymshalar daıyndaý, robototehnıka, veb-saıttar qurý jáne 3D modeldeý, Design, web-tehnologııalar, elektronıka jáne mehatronıka baǵyttary tereńdetilip oqytylady.Bastaýysh synyp oqýshylarynyń kompıýterlik saýattylyǵyn damytý maqsatynda Scratch, Tynker, CodeCombat qarapaıym oıyn baǵdarlamalarymen baǵdarlama jasaý, orta, joǵary býyn oqýshylary Python, Java, HTML baǵdarlamalaryn Kodoqu platformasymen oqý arqyly úırenýde.Sonymen qatar, qala mektepterindegi bilim berý úderisin jaqsartý maqsatynda Online mektep.kz, Bilim Land, Daryn.online sııaqty aqparattyq-bilim berý platformalarynda jumys isteıdi», - dedi Narıman Elamanov Astana qalalyq kommýnıkatsııalar qyzmetinde ótken brıfıngide.

Onyń aıtýynsha, IT baǵytta bilim beretin 18 tehnıkalyq jáne kásiptik bilim berý uıymynda (3 memlekettik, 15 jeke menshik) IT-mamandyqtar boıynsha («Kompıýterlik ınjenerııa jáne aqparat quraldary», «Baǵdarlamalyq qamtamasyz etý») oqytý júrip jatyr.