Astananyń qarjy polıtsııasy Táýelsizdik saraıynyń qyzmetkerleri Zeınelgabdın men Baqtybaevty tutqyndady
ASTANA. 8 mamyr. QazAqparat - Aǵymdaǵy jylǵy 30 sáýirde Astana qalasy boıynsha qarjy polıtsııasy departamentiniń qyzmetkerleri
obektiniń órtke qarsy kúzeti jáne órt sóndirý júıesin qamtamasyz etýdiń memlekettik satyp alý kelisimshartyn jasaýǵa kómektesýi úshin «Arlan Sıstems NS» JShS dırektorynan 576 myń teńgeni para retinde aldy degen kúdikpen «Táýelsizdik saraıy» MQKK dırektorynyń kommertsııalyq suraqtar boıynsha orynbasary E. Zeınelgabdın jáne osy mekemeniń memlekettik satyp alýlar bóliminiń basshysy M. Baqtybaevty ustady.
Osy kúni atalǵan tulǵalarǵa qatysty para alý faktisi boıynsha qylmystyq is qozǵaldy.
3 mamyrda Zeınelgabdın men Baqtybaev sot sanktsııasymen qamaýǵa alyndy. Qylmystyq is tergelýde, nátıjeleri jurtshylyqqa jetkiziletin bolady.
