Astananyń Qarjy polıtsııasy quqyq qorǵaý organdarynyń qyzmetkeri retinde aqsha bopsalaǵan N.Kentaev degen azamatty quryqtady
ASTANA. 20 mamyr. QazAqparat - Astana qalasy boıynsha Ekonomıkalyq jáne jemqorlyq qylmystarǵa qarsy kúres departamentiniń qyzmetkerleri ústimizdegi jyldyń 16 mamyrynda Nurbol Kentaevty quryqtady.
Ol jalǵan qyzmettik kýálikti paıdalaný arqyly, ózin quqyq qorǵaý organdarynyń qyzmetkeri retinde tanystyryp, túrli kommertsııalyq kásiporyndardyń basshylarynan iri kólemde qarjy bopsalap kelgen dep aıyptalýda. Bul týraly Astana qalasy boıynsha Qarjy polıtsııasynyń baspasóz qyzmeti habarlady.
Osy kúni N.Kentaevqa alaıaqtyqqa qatysty qylmystyq is qozǵaldy.
Ústimizdegi jyldyń 18 mamyrynda sot sanktsııasymen Kentaev tutqynǵa alyndy.
Jedel aqparatqa sáıkes, aıyptalýshy óziniń zańsyz áreketin Qazaqstan Respýblıkasynyń barlyq aýmaǵynda júzege asyrǵan.
Osyǵan oraı, osy atalǵan azamattyń áreketinen zardap shekken adamdar Astana qalalyq Qarjy polıtsııasyna 210-909 telefony arqyly nemese Qarjy polıtsııasy organdarynyń «144» ortaq senim telefony arqyly habarlasa alady.
