Astananyń qaryn tazalaý úshin kúnine 30-35 mln teńge jumsalady
ASTANA. QazAqparat - Astana qalasyn qardan tazalaý úshin kúnine 30-35 mln teńge jumsalady. Bul týraly búgin keshke jýrnalıstermen birge qalany aralap kórgen ákimniń orynbasary Qosman Aıtmuhambetov málim etti, dep habarlaıdy QazAqparat tilshisi.
«Naqty tsıfryn bilmeımin, biraq, qar tazalaý úshin kúnine 30-35 mln teńge shamasyndaǵy qarajat jumsalady. Qala boıynsha qar tazalaýǵa jalpy eki myńnan asa tehnıka tartylady. Al, qar tazalaıtyn bir tehnıkanyń bir saǵattyq jumysy 4000 teńge. Bul baǵa árıne aspannan alynǵan joq. Ákimdiktiń turǵyn úı-kommýnaldyq basqarmasy kalkýlıatsııa jasaıdy, ıaǵnı, baǵany basqarma bekitedi»,-dedi Aıtmuhambetov.
Ákimdiktiń baspasóz qyzmeti habarlaǵandaı, qalanyń qaryn tazalaýǵa jalpy 2177 tehnıka tartylǵan. Qosman Aıtmuhambetov bul tehnıkalardyń barlyǵy kúni keshke deıin jumys istemeıtinin, qajetti jumysty atqarǵannan keıin, toqtap turatynyn habarlady.
«Tehnıkalar kúni boıy jumys istemeıdi. Mysaly, qar sypyratyn mashına qar sypyryp boldy ma, sol kúni qaıtyp jumysqa tartylmaıdy»,-deldi kólikterdiń bir saǵattyq qyzmet aqysyn aıta kele Aıtmuhambetov.
