Astananyń qalamańy avtobýstary qozǵalysyna shekteý engizildi
ASTANA. QazAqparat - Elordanyń qashyqtaý qalmańyna qatynaıtyn barlyq avtobýstardyń qozǵalysyna shekteý engizildi, dep habarlaıdy QazAqparat «Astana LRT» JShS-ne silteme jasap.
«Qalamańy aýmaǵyndaǵy aýa raıynyń qolaısyzdyǵyna baılanysty jol jabyndysy nasharlap, keı jerlerde kóktaıǵaq oryn aldy. Osyǵan baılanysty saǵat 18-00-den bastap qashyq baǵyttarǵa qatynaıtyn № 300, 308, 309, 310, 315, 316 qalamańy avtobýstarynyń qozǵalysy toqtatyldy», - delingen taratylǵan aqparatta.
Sonymen qatar atalǵan kompanııa taıaý aralyqtaǵy qalamańyna qatynaıtyn qalǵan № 304, 313, 80, 306, 311, 307, 302, 301, 303, 35, 103 avtobýstardyń qozǵalysy shtattyq rejimde júzege asyrylatyndyǵyn atap ótken.
Buǵan deıin elordada qardyń qalyń túsýine jáne kóktaıǵaqqa baılanysty qalalyq barlyq qyzmetter kúsheıtilgen jumys rejimine kóshirilgenin habarlaǵan edik.
