Astananyń irgesindegi nysandardyń qurylysyna ınvestıtsııa tartylýda
KÓKShETAÝ.QazAqparat-Aqmola oblysynyń Tselınograd aýdany aýmaǵynda ornalasqan áleýmettik nysandardyń qurylysyna «Rýhanı jańǵyrý» baǵdarlamasy boıynsha jeke ınvestıtsııa tartylýda, dep habarlaıdy QazAqparat tilshisi.
Oblystyq ishki saıasat basqarmasynyń məlimeti boıynsha Aqmola oblysynyń ákimi Məlik Myrzalın men «Agrofırma «Rodına» JShS basshysy Ivan Saýer arasynda jasalynǵan yntymaqtastyq týraly memorandým sheńberinde quny 29,5 mıllıon teńgege Rodına aýylynda dárigerlik ambýlatorııanyń ǵımaratyn kúrdeli jóndeý jəne kúndizgi statsıonardyń qurylys jumystary júrgizilýde.
Qazirgi kezde, qurylys jumystary aıaqtalyp, stomotologııalyq, elektrokardıografııalyq quraldar, ýltradybystyq terapııa apparaty tárizdi medıtsınalyq jabdyqtar ornatyldy.
Sonymen qatar, qurlytaıshy «BI Group» JShS dırektory Baýyrjan Isabaevtyń demeýshiligimen jasandy jabyndysy bar fýtbol-basketbol alańynyń qurylysy júrgizilýde. Bul jobanyń quny 11 mıllıon teńge.
Aýdannyń taǵy bir týmasy «Shańyraq basqarýshy kompanııasy» JShS bas dırektory Aleksandr Lorents quny 5 mıllıon teńgege Birlik aýylynda 50 oryndyq bastaýysh mektepke jóndeý jumystaryn júrgizýde.
Oǵan qosa Otaýtúsken aýylynda 50 oryndyq bastaýysh mekteptiń qurylysy qolǵa alynǵan. Ony Qanat Jəkenov basshylyq etetin «Kókshe Jemchýg» JShS júzege asyrýda. Joba quny 12 mıllıon teńge.
Sonymen qatar, demeýshilerdiń kómegimen aýdanda densaýlyq saqtaý basqarmasynyń nysandary men 200 jəne 50 oryndyq mekteptiń qurylysyn júrgizý josparda bar.
