Astananyń irgesinde EQYU-nyń qutqarý operatsııasy ótedi

ASTANA. QazAqparat - Eýropadaǵy qaýipsizdik jáne yntymaqtastyq uıymy adamdardy qutqarý boıynsha arnaıy oqý-jattyǵý operatsııasyn Qazaqstanda ótkizýdi uıǵardy, dep habarlaıdy QazAqparat tilshisi.

QR Syrtqy ister mınıstrliginiń baspasóz hatshysy Aıbek Smadııarovtyń aıtýynsha, atalǵan shara 27 qyrkúıekte Qosshy kentide ótedi. Sonyń aıasynda qazaqstandyq quqyq qorǵaýshylar quldyqqa túsken adamdardy qutqarady. «Eýropadaǵy qaýipsizdik jáne yntymaqtastyq uıymy atalǵan sharany bizde ótkizýdi uıǵardy. Ondaı oqý-jattyǵýlar Qazaqstanda alǵash ret ótedi. Oǵan kásibı akterlar shaqyrylady. Olar seksýaldyq jáne eńbek qarym-qatynastarynyń quldyǵyna túsken adamdardy rólinde bolady. Al bizdiń quqyq qorǵaýshylarymyz olardy «qutqarady». Sóıtip, ondaı sharalardy ótkizýdiń eýropalyq standarttaryna úırenedi», - dedi A.Smadııarov jýrnalısterge bergen suhbatynda.

Aıta keteıik, 2010 jyly Qazaqstan postkeńestik elderdiń ishinde birinshi bolyp   Eýropadaǵy qaýipsizdik jáne yntymaqtastyq uıymyna tóraǵalyq etti. Sonyń qorytyndysy boıynsha EQYU-nyń Astana sammıti ótkizildi. Oǵan 38 eldiń prezıdentteri men úkimet basshylary keldi.