Astananyń HQO-larynda jeke sáıkestendirý nómirine ótinish berýshi sheteldikter kóbeıgen
«Halyqqa qyzmet kórsetý ortalyqtarynyń jumysyn baǵalaıtyn eki ólshem bar. Olar – kútý ýaqyty men rásimdeý ýaqyty. Kútý ýaqyty azamat konsýltatsııaǵa talon alǵan sátten bastap operatordyń aldyna kelgen kezge deıin esepteledi. Al rásimdeý ýaqyty operatordyń aldyna kelgen sátten qyzmet alyp bolǵanǵa deıin esepteledi. 2021 jyly kútý ýaqytynyń talabyn buzý faktileri 3 ese qysqarǵan bolatyn. Bıyl qaıta kóbeıdi. Al rásimdeý ýaqyty boıynsha kerisinshe tómendeý bar. Byltyr koronavırýsqa qatysty shekteýlerdiń áserinen halyqqa qyzmet kórsetý ortalyqtaryna kelýshiler sany qysqarǵan edi», - dedi ol qalalyq máslıhattyń turaqty komıssııa otyrysynda.
Sondaı-aq, ol halyqqa qyzmet kórsetý ortalyqtarynda kútý ýaqytynyń talaby nege jıi buzylatynyn aıtty.
«Bizde aqparattyq júıelerde jıi irkilister bolady. Mysaly, Memlekettik kirister komıtetiniń aqparattyq júıesinde irkilis paıda bolsa, avtokólikti rásimdeı almaı qalamyz. Óıtkeni kólik ıesiniń moınyndaǵy salyqtar men aıyppuldardy kórýimiz kerek. Zańdy tulǵalardyń atyndaǵy jyljymaıtyn múlikti de osy júıeden qaraımyz.
Qańtar oqıǵasy rásimdeý ýaqytyna qoıylatyn talaptardyń buzylýyna áser etken bolatyn. Internette shekteý boldy. Biz jumys istep turǵanymyzben adamdarǵa qyzmet kórsete almadyq.
Sondaı-aq, shetel azamattarynyń úlken aǵynyn kórip otyrmyz. Onyń ishinde reseılikter kóp. Jeke sáıkestendirý nómirin alýshylardyń nópiri bar», - dedi Mádı Sadanov.
Eske salsaq, elordalyq Polıtsııa departamenti Ákimshilik polıtsııa basqarmasynyń basshysy Eljan Chýpekov jyl basynan beri 486 adam kólik júrgizý quqyǵynan aıyrylǵanyn málim etken bolatyn.
Eske salsaq, QR Іshki ister mınıstriniń birinshi orynbasary Marat Qojaev 10 myńǵa jýyq reseıliktiń Qazaqstan JSN-in alǵanyn málim etken edi.
