Astananyń halyqaralyq áýejaıynda kontrabanda tasymaldaýshy ustaldy
ASTANA. 23 mamyr. QazAqparat/Aınur Kenebaeva/ - Astananyń halyqaralyq áýejaıynda kontrabanda tasymaldaýshy qolǵa tústi.
Bul týraly Astana qalasy boıynsha Kedendik baqylaý departamentiniń baspasóz qyzmetinen habarlady.
Taratylǵan aqparatqa sáıkes, Kedendik baqylaý departamentiniń Kontrabandaǵa qarsy kúres qyzmetkerleri "Úrimshi-Astana" baǵytymen kelgen avıareıske tekseris júrgizý barysynda QR azamatynan Kedendik odaq aımaǵyna ákelýge tyıym salynǵan arnaıy tehnıka quraldaryn tárkilegen.
«Azamattyń qol júgin tekserý kezinde 6 dana ǵımarattarǵa ornatylatyn aýdıobaqylaý qurylǵysy, 2 dana arnaıy tehnıkalyq qural, 2 dana qulaqqap, 1 dana metall zattaryn izdeý qurylǵysy, 2 dana shaǵyn aerozoldi ballondar tárkilendi», - dep naqtylanǵan aqparatta.
Habarlamada aıtylǵandaı, atalmysh zań buzýshylyq faktisin tekserý barysynda kúdiktiniń is-áreketinde QR QK 143-baby, 3-tarmaǵyna (aqparatty jasyryn alý úshin zańsyz arnaıy tehnıkalyq quraldardy alý, satý, óndirý, daıyndaý) sáıkes keletin qylmys belgileri bar dep tanyldy. Qazirgi tańda bul is boıynsha tergeýaldy tekserisi júrgizilýde.
