Astananyń gúldenýi - Qazaqstannyń gúldenýi. «Astana jáne Elbasy» fotokórmesi
bsp;ASTANA. Shildeniń 4-i. QazAqparat - Búgin elordanyń «Báıterek» monýmenti janyndaǵy alańynda «Astana jáne Elbasy» atty fotokórme ashyldy, ony qalalyq ákimdik pen mádenıet basqarmasynyń qoldaýymen Qazirgi zaman óneri murajaıy uıymdastyrdy.
Astana jáne Elbasy - olar bir-birinen ajyraǵysyz Qazaqstan sımvoldaryna aınaldy. Salystyrmaly túrde qysqa merzimde Qazaqstan táýelsiz, egemen jáne serpindi damyp otyrǵan memleket retinde nyǵaıdy, al Astana el júregine aınaldy.
«Astana - bizdiń Prezıdentimizdiń jáne búkil Qazaqstannyń bel balasy. Astana búkil álemge ekonomıkanyń qıyn jyldarynda jáne qysqa merzimde ózine ǵana senetin kúshti halyq qana osyndaı elordasyn sala alatynyn kórsete bildi. Sondyqtan da, meniń pikirimshe, Astana - qazaqstandyqtardyń qýatynyń sımvoly», - dedi fotokórmeniń ashylýyna qatysqan senator Svetlana Jalmaǵanbetova.
«Bolashaqqa umtylǵan Astana bizdiń Prezıdentimizdiń aqyl-oıy men armanynyń jemisi, onyń kúshti erik-jigeri men uıymdastyrý talantynyń, osy jerdi gúldengen aımaqqa aınaldyrýǵa degen súıispenshiliginiń arqasynda salyndy», dep qosty ol qala turǵyndary men qonaqtaryn quttyqtaý sózinde.
Rasynda da, ftosýretterde beınelengen qala shejiresi Astananyń barlyq jetistikteri el Prezıdenti Nursultan Nazarbaevtyń syndarly saıasaty men qoldaýynyń arqasynda múmkin bolǵanyn aıǵaqtaıdy.
Kórme uıymdastyrýshylarynyń pikirinshe, Astana - Qazaqstannyń gúldenýine jol ashty. 1999 jyly ıÝNESKO sheshimimen oǵan «Beııbitshilik qalasy» mártebesi berildi.
Kórmege elordanyń damýynyń tarıhı kezeńderin beıneleıtin 300-ge tarta ftotsýretter qoıylǵan.
Kórmede 1910 jylǵy Aqmolanyń qara-aq tústi sýretterimen qatar sońǵy jyldardyń kórinisteri - túrli-tústi fotolar kórinis tapqan. Burynǵy Aqmola qalasynyń tar kósheleri, elordany Almatydan Astanaǵa kóshirý, qalanyń kórnekti oryndary, qala qonaqtary - ártúrli elder prezıdentteriniń sýretteri, mádenı jáne kúndelikti tirshiligi tarıhı kezeńderden syr shertedi.
«Astana jáne Elbasy» fotokórmesi alǵash ret qala tuǵyndary men qonaqtary úshin úsh merekelik kúnde «Báıterek» monýmentiniń qasynda ashyq aspan astynda jumys jasaıtyn bolady.
