Astananyń eski bombadan qorǵaný ǵımaratynda órt bolǵan joq, tek tútindedi - TJD
ASTANA. 24 mamyr. QazAqparat /Damır Baımanov/ - Astananyń eski bombadan qorǵaný ǵımaratynda órt bolǵan joq, tek tútindedi.
Bul týraly QazAqparat tilshisine Astana TJD bastyǵynyń orynbasary Qaıyrgeldi Meıramov habarlady.
«Onda órt bolǵan joq, tek tútindedi. Sóndiretin eshteńe joq. Kireberis esikterdi topyraqpen jaýyp tastaý týraly sheshim qabyldandy. Qazir onda qajetti jumystar júrip jatyr, oqıǵa orny qorshaýǵa alyndy», - dep habarlaǵan Q.Meıramov zardap shekkender men qaza tapqandar joq ekenin de atap ótti.
Onyń pikirinshe, «bomba qorǵaný ǵımaratynda tútinniń shyǵýyna turaqty meken jaıy joq adamdar sebepker bolýy múmkin».
Naqtylanǵan aqparat boıynsha, órt týraly aqparat keshki 17.15-te tústi. Eski bombadan qorǵaný ǵımaraty Dostyq kóshesinde ornalasqan. Ǵımarat 1600 sharshy metrlik jerdi alyp jatyr.
Ótken jyldyń aqpan aıynda bolǵan órt kezinde TJM úsh aǵa ofıtseri qaza tapqan edi.
