Astananyń eski alańynda ornatylǵan jańajyldyq shyrshanyń shamdary jaǵyldy
ASTANA. 25 qarasha. QazAqparat /Jasulan Amanbaıuly/ - Búgin Saryarqa aýdanynyń ákimi Sabılá Mustafınanyń qatysýymen Astana qalasynyń eski ortalyq alańyna ornatylǵan Jańa jyl shyrshasynyń shamdary saltanatty túrde jaǵyldy.
S.Mustafına elorda turǵyndary men onyń kishkentaı búldirshinderin aldaǵy Jańa jylmen quttyqtap, merekelik shyrsha shamdaryn saltanatty túrde jaǵý - jas Astana úshin ıgi dástúrge aınalǵandyǵyn atap ótti.
«Otbasylaryńyzǵa tek qana jaqsylyq, molshylyq, densaýlyq tileımin, ósip kele jatqan balapandaryńyz aman bolsyn! Elimizdiń týyn kótergen azamat atanyp, Sizderge tek qýanysh ákelsin, qurmetti ata-analar!», dedi S. Mustafına óziniń quttyqtaý sózinde.
«Shyrsha sizderdiń kóńilderińizden shyqty dep oılaımyn. Shyrsha úlken mahabbatpen, balalarǵa degen shyn júrekten shyqqan qamqorlyqpen jasalyp, aıshyqty oıynshyqtarmen bezendirildi. Ol sizderge tek shattyq syılasyn!», dedi aýdan ákimi.
Shyrsha mańyndaǵy merekelik shara áli de bolsa jalǵasýda. Dál qazir qaladaǵy mektep jáne balabaqsha tárbıelenýshileri arasynda «Aıaz ataǵa meniń syılyǵym» atty qalalyq baıqaý ótýde. Baıqaý aıasynda daıyndalǵan úzdik oıynshyqtardyń «avtorlary» óz qoldarymen jasaǵan túrli oıynshyqtardy aýdannyń bas shyrshasyna ilýge múmkindik alady.
