Astananyń Esil aýdanynda jumyspen qamtý jáne áleýmettik baǵdarlamalar bólimi ashylady

ASTANA. 29 naýryz. QazAqparat - Bıylǵy jyldyń 15 sáýirinen bastap Astana qalasynyń Jumyspen qamtý jáne áleýmettik baǵdarlamalar basqarmasy Esil aýdanynyń Halyqty jumyspen qamtý ortalyǵynda óziniń ókildigin ashady.

Bul týraly astana.kz saıtyna Basqarma bastyǵynyń orynbasary Oljas Omar málim etti.

Onyń aıtýynsha, jumyspen qamtý jáne áleýmettik baǵdarlamalar bólimin ashý Esil aýdanynyń turǵyndaryna qyzmet kórsetý sapasyn arttyryp, jumyspen qamtý men áleýmettik kómek kórsetýdi burynǵydan da jaqsarta túsedi.

Esil aýdanynyń Halyqty jumyspen qamtý jáne áleýmettik baǵdarlamalar jańa bóliminde kelesideı memlekettik qyzmetter kórsetiledi:

- jumyssyz azamattardy tirkeý jáne esepke qoıý;

- jumyssyz azamattarǵa anyqtama berý;

- jumyspen qamtýdyń belsendi túrdegi is-qımyldaryna qatysýǵa joldamalar berý;

- Semeı ıadrolyq synaq alańyndaǵy jarylystardan zardap shekken azamattardy tirkep, esepke qoıý;

- memlekettik áleýmettik ataýly kómek taǵaıyndaý;

-18 jasqa deıingi balalary bar otbasylarǵa memlekettik járdemaqy taǵaıyndaý;

- turǵyn úı kómegin taǵaıyndaý;

- ataýly áleýmettik kómek alýshylarǵa (otbasylaryna) ótinish berýshiniń negizin rastaıtyn anyqtamalar berý.

- úıde oqyp, tárbıelenýshi múgedek-balalardy materıaldyq qamtamasyz etý úshin qujattardy rásimdeý;

- jergilikti ókiletti organdardyń sheshimimen jekelegen muqtaj azamattarǵa áleýmettik kómek taǵaıyndap, tóleý.