Astananyń eń qymbat túngi klýbtarynyń biri daý-damaıdyń ortasynda qaldy - BAQ
ASTANA. 13 sáýir. QazAqparat - Saıası bomond pen jastardyń sózimen aıtqanda, «sánqoı» qyzdardyń eń súıikti jerine aınalǵan Astananyń eń qymbat klýbtarynyń biri «Shokolad» daý-damaıdyń ortasynda qaldy.
Bul týraly búgin «Ekspress K» gazetindegi (avtory Natalıa Terenteva) «Kokaın v shokolade» atty maqalada jazyldy.
Kóńil kóterý ornyna kúdikti azamattardyń kirip ketpeýin baqylaýǵa mindetti qyzmetker Nına Abramchýk kokaın men ekstaza tárizdi esirtkilik zattardy jasyryn taratyp, tasymaldap, saqtaǵany úshin múlki tárkilenip, 15 jyl 6 aıǵa bas bostandyǵynan aıyryldy.
Qalalyq prokýratýrasynyń baspasóz qyzmeti habarlaǵandaı, ol Chehııaǵa esirtkige tapsyrys berip, óziniń tanysynan kelýi tıis oramhatty poshtadan alýdy suraǵan. Osy qyzmeti úshin aqyny taýar satylǵannan keıin tóleıtinin aıtqan. Sol kúni polıtsııa qyzmetkerleri Nına Abramchýkty aıǵaqty zatpen ustady. Abramchýk kokaındi óziniń jeke paıdalanýy úshin alǵandyǵyn aıtyp, kinásin moıyndaǵan joq. Onyń qorǵaýshysy sottyń úkimimen kelispeı shaǵym túsirdi, alaıda joǵary ınstantsııa sheshimdi ózgerissiz qaldyrdy.
