Astananyń eń daryndy oqýshysy anyqtaldy
ASTANA. QazAqparat - Oqýshylar saraıynda Qazaqstan Respýblıkasy Tuńǵysh Prezıdenti kúnine arnalǵan qalalyq bilim berý mekemeleriniń oqýshylary arasynda«Kóshbasshy oqýshy» atty zııatkerlik saıys ótti, dep habarlaıdy Astana qalasy ákimdiginiń resmı saıty.
Konkýrs taqyryby: «Astana - Uly dala elordasy». Baıqaýdyń irikteý kezeńinde test qorytyndysy boıynsha joǵary upaı jınaǵan 12 oqýshy konkýrstyń fınalynda baq talastyrdy.
«Bul konkýrs jyl saıyn ótkiziledi. Bizdiń jastar óte bilimdi, zerek jáne óte talantty. Olar túrli olımpıadalarǵa, jarystarǵa qatysyp júldeli oryndar alady. Úırenýge, jetistikke jetýge tyrysyńdar, keıingi urpaqqa úlgi bolyńdar», - dedi «Daryn» respýblıkalyq ǵylymı-praktıkalyq ortalyǵynyń dırektory Sholpan Qırabaeva.
Katysýshylar bilimin ortaǵa salyp, oı-órisiniń keńdigin, sheshendik qabiletin kórsetti. Konkýrs jeńimpazdary dıplomdarmen, baǵaly syılyqtarmen marapattaldy. Bas júldeni qanjyǵasyna № 81 «Astana English School» gımnazııasynyń oqýshysy Arýjan Otarbekova baılady.
